* یہ مانا حسینوں میں تجھ سا نہیں ہے *
یہ مانا حسینوں میں تجھ سا نہیں ہے
مگر عاشقوں میں بھی مجھ سا نہیں ہے
تجھے دیکھا ہے جب سے جانِ تمنا
حسیں کوئی نظروں میں جچتا نہیں ہے
بتوں کی پرشتش کروں توبہ توبہ
مرا دل ہے کعبہ کلیسا نہیں ہے
جسے دیکھئے تکتا ہے مثلِ نرگس
چمن میں کوئی آنکھ والا نہیں ہے
عجب دور آیا ہے دنیا میں اب تو
کسی کو کسی پہ بھروسہ نہیں ہے
گرجتا ہے بادل گرجنے دو اس کو
گرجتا ہے جتنا برستا نہیں ہے
یہ دو دن کی دنیا ہے سوچو تو مضطرؔ
ذرا بھی تمہیں فکر عقبیٰ نہیں ہے
*************************** |