ترے ظلم و ستم کا ہم کبھی چرچا نہیں کرتے 
غیور انسان ہیں انسان کو رسوا نہیں کرتے
تلاطم ہی میں رکھتے ہیں جو اپنی نائو کو یارو
بھنور کے تیز دھاروں سے وہ سمجھوتہ نہیں کرتے 
ادب پر ناز ہے ہم کو، ادب سے ہے شغف ہم کو
مگر فکر و ادب کا ہم کبھی چرچا نہیں کرتے
ہمیں رہتا ہے اپنے قد کا ہر اک وقت اندازہ 
بلندی پر بھی ہوتے ہیں تو سر اونچا نہیں کرتے 
خموشی سے گذرتے ہیں غموں کے ریگذاروں سے 
الم کے تند جھونکوں سے بھی گھبرایا نہیں کرتے
جلانا ہے ہمیں تو شمع مضطرؔ ہر منڈیری پر
’’ہوا بھی تیز ہوتی ہے توسمجھوتا نہیں کرتے ‘‘
***************************************