* میرے چہرے سے غم آشکارا نہیں *
میرے چہرے سے غم آشکارا نہیں
وہ سمجھتے ہیں میں غم کا مارا نہیں
پہلے پرکھو نظر کی کسوٹی پہ تم
ہر چمکتی ہوئی چیز تارا نہیں
مدعا دل کا پائو گے کیسے بھلا
تم نے دامن کبھی جب پسارا نہیں
کس کی ہمت تھی جو لوٹ لیتا مجھے
کیسے کہدوں کہ تیرا اشارا نہیں
جس میں قربت تمہاری میسر نہ ہو
ایسی جنت بھی مجھ کو گورا نہیں
اے غمِ دل کہیں اور چل اور چل
اب کوئی بھی یہاں تو ہمارا نہیں
پختہ کاروں سے مضطرؔ سنا ہے یہی
بحرِ الفت کا کوئی کنارا نہیں
***************************** |