قتل خوں، غارت گری، بیداد دہشت عام ہے 
دیکھئے اب ہر طرف کہرام ہی کہرام ہے 
زندگی کی صبح رنگیں ہے، نہ دلکش شام ہے 
کچھ خفا شاید نگاہِ گردشِ ایّام ہے
ہے تعجب خیز کتنا آج دنیا کا چلن 
کام کرتا ہے جنوں لیکن خرد بد نام ہے 
بے نقاب آنے پہ ان کے کوئی پابندی نہیں
یہ دلِ دیوانہ مرا مفت میں بد نام ہے 
شاعری میں اب کہاں وہ فکر وفن کی ندرتیں
میرؔ و غالبؔ ہے نہ کوئی اب عمر خیّام ہے 
 کامکچھ غیروں کے آ! اپنوں سے گر فرصت ملے 
اے دلِ درد آشنا دنیا اسی کا نام ہے 
ہے جنوں سے ربط مضطرؔ دشت ہے جائے اماں 
ہے یہی تقدیر عاشق کی، یہی انجام ہے 
***********************************