وقت کے ساتھ بدلنے میں بہت وقت لگا
نئی تہذیب میں ڈھلنے میں بہت وقت لگا 
شوقِ دیدار میں جلنے میں بہت وقت لگا
یعنی ارمان نکلنے میں بہت وقت لگا
اپنے احباب کی فطرت کو سمجھتے کیسے
’’رنگ گرگٹ کو بدلنے میں بہت وقت لگا‘‘
تیرگی دل کی مری دور بھی ہو جاتی مگر
ان کو پر دے سے نکلنے میں بہت وقت لگا
شوق کہتا تھا ٹھہر، اور خودی کہتی ہے چل 
چاند بدلی سے نکلنے میں بہت وقت لگا
ہے توجہ کی نظر تم پہ جو مضطرؔ سب کی
غالباً تم کو سنبھلنے میں بہت وقت لگا
**********************************