* مضطرؔ تو بصد شوق ادھر دیکھ اُدھر د *
مضطرؔ تو بصد شوق ادھر دیکھ اُدھر دیکھ
ہر سو ہے وہی جلوہ نما چاہے جدھر دیکھ
شعلہ ہے چھپائے ہوئے پتھر کا جگر دیکھ
جب چوٹ لگے کوئی، نکلتا ہے شرر دیکھ
چہرے سے عیاں گردشِ دوراں کا اثر دیکھ
مایوس نظر آتا ہے ہر فرد و بشر دیکھ
ملاح کے ماتھے سے جو ٹپکتے ہیں پسینے
بن جائیں گے دریا میں وہ نایاب گہر دیکھ
ظاہر ہے کہ امید پہ قائم ہے یہ دنیا
اک روز تو ہوگی ہی شبِ غم کی سحر دیکھ
بکھرا کے کبھی چاند سے رخسار پہ زلفیں
ملتے ہوئے اک ساتھ ذرا شام و سحر دیکھ
بے مائیگی پہ اپنی نظر رکھنا ہے لازم
مضطرؔ تو کبھی عیب کسی کا نہ ہنر دیکھ
******************************** |