معتوب سر بسر ہوے گذرے جدھر سے ہم 
تنگ آگئے ہیں وقت کے زیر و زبر سے ہم 
جس سادہ داستاں سے فضائیں ہو لالہ زار
تحریر اس کو کرتے ہیں خونِ جگرِ سے ہم
ہوتا ہے جس جگہ پہ لٹیروں کا سامنا
گذرے ہیں بارہا اسی رہ گذرسے ہم
کل رات ان کے لب پہ ہمارا تھا تذکرہ
آئی ادھر تو پوچھیں گے بادِ سحر سے ہم
کوئی بھی اب تو ہم پہ نظر ڈالتا نہیں
جس دن سے گِر گئے ہیں تمہاری نظر سے ہم
غم کیا ہے، درد کیا ہے، جلن کیا ہے، ٹیس کیا
تم پوچھو یا کہ پوچھیں کسی دیدہ ور سے ہم
یہ کارِ زارِ شہر ہے مضطرؔ نہ پوچھئے
گھر ایسے لوٹے جیسے تھے محروم سر سے ہم
***********************************