* مدِحتِ شہہ کونینؐ *
مدِحتِ شہہ کونینؐ
کس کے وَرُودِ پاک کا یہ تذکرہ ہوا
وردِ زباں ہر ایک کے صلی علیٰ ہوا
وہ نور جو تھا عرش پہ احمد بنا ہوا
فرشِ زمیں پہ اسکا لقب مصطفیٰ ہوا
دیکھی جھلک جو آدمِ خاکی میں نور کی
حکم خدا سے سجدۂ نوری روا ہوا
سب ہی جھکے ہوئے تھے وہاں اس کے روبرو
الالعین کے تھا نہ کوئی سر اٹھا ہوا
شاخیں شجر کی جھک گئیں گویا ہوا حجر
ہر کوئی دم بخود ہوا، حیرت زدہ ہوا
فاراں پہ گونجی ہے جو صدا لا الہٰ کی
ہر سمت دینِ حق کا عجب معجزہ ہوا
لات و منات گر پڑے شیطاں ہوا خجل
عالم میں لا الہٰ کا عجب غلغُلہ ہوا
آئو بجھائیں تشنگی اے تشنگانِ دید
ہے پر دۂ شبیہہ حقیقت اٹھا ہوا
کیوں جائے آستاں پہ کسی غیر کے بھلا
مضطرؔ کا سر نبی کے ہے در پر جھکا ہوا
**************** |