GHAZAL-3
Mujh pe jab un ke karam ka dar khula
rafta rafta gham ka ek dafter khula
aye thakan!..aye doori-ye-manzil bataa!
ham kahiN thehre kahiN bistar khula
haarne wale ne socha na tha
haar kar bhi jeet ka ek ghar khula
guftgoo kal do bhale logon me thi
talkh lehje mein bhi kab khanjar khula
chaand ke aayeine me unka jamal
is zameeN se door ek manzar khula
dhoka deta hai khazane ka FAREED
Rah-rawoN ko ghaar ka paTher khula
——————————