قطعات طنزومزاح

عقدِثانی

اب بِنا قاضی کے ہے ممکن نکاح
اور بہت آسانیاں اِی میل میں
آئی ڈی اِک آئی ڈی سے جامِلی
عقدِثانی ہوگیا یوں کھیل میں

***************

مجنوں کوفون

لیلیٰ سے ہوگئی ہے تری تین پانچ کیا؟
میں فون کررہاہوں یوں مجنوں کو شام سے
گرتوبُرا نہ مانے توسروِس کو پہنچ جاؤں
مجھ کو بُلا رہی ہے وہ، اے سی ،(A.C)کے کام سے

سالی کی وفات

بیگم کے انتقال پہ رسماََ تھی ہائے، ہُو
صدمہ، مگر ہے موت کا سالی کی بے گُماں
روتاہوں پھوٹ پھوٹ کے ساڑھو کے ساتھ یو ں
بہلانے دل کو جاؤں گا فُرصت میں اب کہاں؟

سلام٭٭

آدمی ہم بھی کاروباری ہیں
کیا پتا شہر کے امیروں کو؟
اِک روپئے کے لئے سلام کریں
،،اِتنی فرصت کہاں! فقیروںکو،،

٭مصرعہ جناب نوازؔدیوبندی

*************************