kal ai aashob-e-nala aaj nahi.n

aaj hangama par mizaj nahi.n

ghair us ke ki khuub roiye aur

gham-e-dil ka koi ilaj nahi.n

ab bhi qimat hai dil ki gosha-e-chashm

itni ye jins be-riwaj nahi.n

shah ko bhi chahiye hai gor-o-kafan

kaun hai jis ko ehtiyaj nahi.n

dil se bas hath uTha tu ab ai ishq

deh-e-vira.n par khiraaj nahi.n

do-jaha.n bhi mile.n to bas hai hamei.n

yan kuchh itni to ehtiyaj nahi.n

kar na jurat tu ai tabib ki ye

dil ka dhaDka hai ikhtilaj nahi.n

main to 'qayem' kahe tha tujh se aah

dil-e-nazuk hai ye zujaj nahi.n

۸۸۸۸۸۸۸۸۸۸۸۸۸۸۸۸۸۸