ju.n ibrat-e-kor jalwa-gar hu.n

albatta kuchh hu.n mai.n par kidhar hu.n

ju.n shisha bhara hu.n mai se lekin

masti se mai.n apni be-khabar hu.n

jo kahiye so ya.n se hai farautar

kya jaane mai.n kis maqam par hu.n

ai sabr tanik tu rah ki tujh se

do-chaar qadam mai.n peshtar hu.n

chal daman o aasti.n tujhe kya

lab-khushk huu.n ya mai.n chashm-tar hu.n

ai bakht-e-said teri daulat

ek yumn-e-qadam se hu.n jidhar hu.n

parwane ki shab ki sham hu.n mai.n

ya roz ki shama ki sahar hu.n

ji mange hai khush-dili ko 'qayem'

tu baiTh ke ro mai.n nauhagar hu.n

۸۸۸۸۸۸۸۸۸۸۸۸۸۸۸۸