aao kuchh shaghl kare.n baiThe hai.n urya.n itne
phaDen sina hi go hath aae gareba.n itne
aah koi jo use aan ke samjhata ho
dekhte hai.n khaDe hindu o musalman itne
sach kah ai baad-e-saba hai kisi gul par ye bahaar
tu ne dekhe hai.n zamane ke gulista.n itne
shor mahshar ka rahe kyu.n na tere kuche mei.n
jis jagah howen ikaTThe dil-e-nalan itne
hum se wamando.n ko allah nibahe to nibhe.n
tan so ye khasta o darpesh bayaba.n itne
dam bhi kuchh chiz hai jab chuk gaya baat tamam
kaun si zist pe tu karta hai saman itne
tujh ko 'qayem' rakhe allah bahut sa ai amir
mujtama sae mei.n hai.n jis ke sukhan-daa.n itne
۸۸۸۸۸۸۸۸۸۸۸۸۸۸۸