is mu.nh se kalam kuchh na nikla

juz yar ke nam kuchh na nikla

kya tujh pe karu.n nisar ghar to

DhunDa mai.n tamam kuchh na nikla

sukha Tala jo hum ko saqi

kya ek do sah jam kuchh na nikla

hum sun ke phanse the aab-o-dana

so yan tah-e-dam kuchh na nikla

kya huega tujh se ai dam-e-sard

jab aah se kaam kuchh na nikla

bande hai.n tumhei.n hazar mujh se

go ek ghulam kuchh na nikla

soche tha mai.n qafiye ko 'qayem'

juz nam-e-imam kuchh na nikla

۸۸۸۸۸۸۸۸۸۸۸۸۸۸۸۸