ho gar aise hi meri shakl se bezar bahut
tum salamat raho bande ke Kkharidar bahut
ham-digar jab khafagi aai to jhagDa kya hai
tum ko khwahinda bahut hum ko tarah-dar bahut
aaj ke rone mei.n ji Dub chala tha lekin
nala-e-dil ne rakha mujh ko khabar-dar bahut
shaikh mujh ko na Dara gor ke andhiyare se
hijr ki kaTi hain mai.n ne to shab-e-tar bahut
dekhiye ab ki tab-e-ishq se kyu.nkar bite
ghaalib aaya hai tabiat pe ye aazar bahut
sach kaho qatl pe kis ke ye kamar bandhi hai
in dinon hath mei.n tum rakhte ho talwar bahut
'qayem' aata hai mujhe rahm jawani pe teri
mar chuke hai.n isi aazar ke bimar bahut
۸۸۸۸۸۸۸۸۸۸۸۸۸۸۸۸۸