go ba-nam ek zaba.n rakhti hai shama

kab tera sa baya.n rakhti hai shama

tere mukhDe ka sa namak maluum

ek phiki si aan rakhti hai shama

sarfaroshi ke mukhtara hum hai.n

go ab oonchi duka.n rakhti hai shama

dagh par dagh uThae dil ki tarah

kab ye tab-o-tawa.n rakhti hai shama

rowe go tuda tuda kab aise

dida-e-khuu.n-fisha.n rakhti hai shama

aah is dagh-e-dil se jis se ki dast

nit su-e-asma.n rakhti hai shama

kyunki parwana rashk se na jale

sab ke aage fula.n rakhti hai shama

khol mukhDa ki hai ye mujh ko yaqi.n

tujh se dawa guma.n rakhti hai shama

ye dil afsurda wae qismat-e-bad

soz ta-ustukhwa.n rakhti hai shama

raato.n jagi hai misl 'qayem' ki

tab ye soz-e-niha.n rakhti hai shama

۸۸۸۸۸۸۸۸۸۸۸۸۸۸۸