gah piir-e-shaikh gaah mureed-e-mugha.n rahe
ab tak to aabroo se nibhi hai jaha.n rahe
duniya me.n ham rahe to kayi din pa is tarah
dushman ke ghar me.n jaise koi mehmaa.n rahe
ai diida dil ko rote ho kya tum hame.n to yaa.n
ye jhiikna pada hai kisi tarah jaa.n rahe
qismat to dekh baar bhi apna gira to vaa.n
jis dasht-e-pur-khatar me.n kaii kaarva.n rahe
sohbat ki garmi ham se koi siikhe misl-e-shama
saare hue safed pa tad bhi javaa.n rahe
masjid se gar tuu shaikh nikaala hame.n to kya
'qayem' vo mai-farosh ki apne dukaa.n rahe
'qayem' isi zamii.n ko tuu phir kah par is tarah
sun kar jise ki charkh me.n nit aasma.n rahe
۸۸۸۸۸۸۸۸۸۸۸۸۸