* Aks E khushboo huN bikharne se na roke koi *
Aks E khushboo huN bikharne se na roke koi
Aur bikhar jaauN to mujh ko na samete koi
KaNp uTh_ti huN maiN ye soch k tanhayi maiN
Mere chehre pe tera naam na paRh le koi
Jis tarah khaab mere ho gaye rezaa rezaa
Us tarah se na kabhi toot ke bikhre koi!!
MaiN to us din se hiraasaaN huN k jab hukm mile
Khushk phooloN ko kitaaboN maiN na rakkhe koi
Ab to is raah se wo shakhs guzarta bhi nahiN
Ab kis umeed pe darwaaze se jhaaNke koi
Koi aahat, koi aawaaz, koi chaap nahiN
Dil ki galiyaaN baRi sunsaan haiN, aaye koi
*** |