Zabaan sakhun ko, sakhun baankpan ko tarsega,
Sakhun kadah mEn tarz-e-sakhun ko tarsega.

Naye payaale sahi tere daur mein, saqi,
Yeh daur men sharab-e-kuhan ko tarsega.

Mujhe tau khair watan chhor kar amaan na miii,
Watan bhi mujh se ghanib-ul-watan ko tarsega.

Inhi ke dam se firozaan ham millaton ke chiragh,
Zamana suhbat-e-arbab-e-fan ko tarsega.

Badal sako tau badal do yeh baghbaan, warna, 
Yeh baagh saaya-e-sarv-o-saman ko tarsega.

Hawa-e-zulm yehi hal tau dekhna 1k din,
Zamin paani ko, suraj kiran ko tarsega.