donateplease
newsletter
newsletter
rishta online logo
rosemine
Bazme Adab
Google   Site  
Bookmark and Share 
design_poetry
Share on Facebook
 
Mushtaq Ajiz
 
Share to Aalmi Urdu Ghar
* دُعا کو ہمنوائے نالۂ شب گیر کرنا  *

دُعا کو ہمنوائے نالۂ شب گیر کرنا ہے​
فغاں کو آشنائے ّلذتِ تاثیر کرنا ہے​
جنوں کو خوئے تسلیم و رضا تعلیم کرنی ہے​
بگولوں کو اسیرِ حلقۂ زنجیر کرنا ہے​
چھپا بیٹھا ہے اِک دشمن حصارِ ذات کے اندر​
شکستِ جسم سے پہلے جسے تسخیر کرنا ہے​
وہ آنکھیں جن کو ورثے میں ملی جاگیر نفرت کی​
محبت کا سبق اُن کے لیے تحریر کرنا ہے​
وہ منظر جو مری چشمِ تصور پر اُترتے ہیں​
اُنھیں ہر چشمِ بینا کے لیے تصویر کرنا ہے​
ہزاروں خواہشوں کی بستیاں مسمار کرنی ہیں​
اِسی ملبے سے پھر اِک جھونپڑا تعمیر کرنا ہے​
اُسے اپنا بنانے کی کوئی تدبیر کرنی ہے​
مجھے تبدیل اپنا کتبۂ تقدیر کرنا ہے​
مرے اجداد نے بھی بیعتِ باطل نہیں کی تھی​
مجھے بھی ّاِتباعِ ّسنتِ ّشبیر کرنا ہے​
مرے اسلاف نے اچھے دِنوں کا خواب دیکھا تھا​
سو اُن کے خواب کو شرمندۂ تعبیر کرنا ہے​
============​

 
Comments


Login

You are Visitor Number : 278