Meri talaash mein wo tha, mujhe pata hi nahi-n

Ab uski samt chale hain tou raasta hi nahi-n

Ye zindgi hamei-n mauqa tou de rahi thi magar

Ye zid hamari thi dil ka kaha suna hi nahi-n

Na jaane kaise wohi lafz ban gaya sab kuch

Jo lafz hum ne likha hi nahin parha hi nahi-n

Likha hai maine mohabbat ko phir dobara se

Magar wo shaqs kisi samt dekhta hi nahi-n

Ganwa ke khud ko bohot pursukoon baithi hoo-n

Meri talaash mein ab koi qaafila hi nahi-n

Thi kis khayal mein gum zindgi, ke jeene ka

Hamare paas koi raasta bacha hi nahi-n

Ajab maqaam pe chhora hai humko qismat ne

Ye raasta bhi ajab hai ke raasta hi nahi-n

Ye khel usne bhi khela badi maharat se

Ke haarne ka koi dark hula rakha hi nahi-n