Ye sach hai mujhse wabasta nahi-n hai

Bura hai wo magar itna nahi-n hai

Pukaarega wo thokar khaa ke mujhko

Bharam shayad abhi toota nahi-n hai

Haqeeqat hai magar takleef de hai

Tera mujhse koi rishta nahi-n hai

Ana ki uth gayi-n phir se deewarei-n

Dilo-n mein a kahi-n rasta nahi-n hai

Ye kaisi manzilei-n payi hai-n maine

Ke manzil se koi naata nahi-n hai

Kiya tha door khud ko rashni se

Koi saaya bhi ab apna nahi-n hai