Har ek pal jo guzarne laga dushwaar mera
Ye kisko saunp diya dil ne intezaar mera
Teri hado-n mein mujhe phir se kheench laata hai
Wo tujhko chahte rehne ka ikhtyaar mera
Wo jisko saunp di maine yaqeen ki dunya
Kabhi na kar saka wo shaqs aeytbaar mera
Main usko dhoondne nikli hoon apne maazi mein
Takegi raasta ik umr ab bahaar mera
Khushi ka daur bhi kitna ajeeb tha ANJUM
Bana gaya hai har ik lamha saugawaar mera