Tere aani ki khushi kaise manayei-n kya karei-n

Kaunsi yaado-n ko kis jaanib sajayei-n kya karei-n

Zakhm se uthne lagi hain phir se teesei-n dard ki

Rakh ke phir kaanto-n pe marhum muskuraye-n kya karei-n

Zindgi mein khwahisho-n ki had muayyan hi nahi-n

Yaad rakhkheintujhko phir ki bhool jayei-n kya karei-n

Saath chalna jab nahi-n mumkin bata aey zindgi

Tujhse jayei-n door, apne paas aayei-n kya karei-n

Gham ke baadal chat chuke hain zindgi k idhoop se

Ab teri yaado-n ko hum orhein bichayein kya karei-n