ماہ رمضاں السلام

معین گریڈیہوی: پٹنہ
رابطہ:09708111470

شان ہے عالی تمہاری اور ہے اعلیٰ مقام
السلام اے ماہ رمضاں السلام

رحمتوں اور برکتوں والا ہے تو ماہ مبیں
کرتا ہے احسان روزے داروں پہ تو بلیقیں
ہر گھڑی رہتا ہے لب پہ صائموں کے تیرا نام
السلام اے ماہ رمضاں السلام

تیرا نہ ثانی کوئی ہے  تو سبھوں سے ہے جدا
واقعی رتبہ ترا ہے کل مہینوں سے بڑا
صائموں کے گھر میں ہے جاری تمہارا فیض عام
السلام اے ماہ رمضاں السلام

وہ مسلماں ہو نہیں سکتا جو تم سے دور ہے 
روزہ داروں پہ ترا رحم و کرم بھر پور ہے 
کیسے نہ آخر کروں میں دل سے تیرا احترام
السلام اے ماہ رمضاں السلام

تیری آمد پہ ہمارا دل بہت مسرور تھا
خوشیاں ہی خوشیاں تھیں گھر میں اور ہرغم دور تھا
کتنا پیارا اور انوکھا تھا یہ قدرت کا نظام
السلام اے ماہ رمضاں السلام

سال بھر کے بعد جب آئے گا تو ماہ مبیں
کیا ٹھکانہ ہے رہے یا نہ رہے تیرا معینؔ
اب تمہاری یاد تڑپائے گی مجھ کو صبح و شام
السلام اے ماہ رمضاں السلام

******************