نعت شریف

ظلمتیں دور ہوئیں دنیا سے ‘ اب اندھیرا نظر نہیں آتا
آپ جیسا یاشفیع محشر‘ کوئی دوجا نظر نہیں آتا

شافع روز جزا‘ شاہ دیں‘ دور کردیجئے بلا میری
الجھنیں دل کی بڑھتی جاتی ہیں ‘ کوئی اپنا نظر نہیں آتا

آپ آئے تو برکتیں آئیں ‘ رحمتوں کی بھی گھٹائیں چھائیں 
آپ آتے نہیں تو دنیا میں ‘ کوئی میرا نظر نہیں آتا

سخت مشکل میں پھنسا ہوں آقا‘ دل بھی اپنا بہت ہے گھبرایا
اس مصیبت سے اب تو بچنے کا ‘ کوئی نسخہ نظر نہیں آتا

آپ صلّ علیٰ ہیں نور خدا‘ آپ کو رب نے جو بخشا رتبہ
انبیا میں بھی کسی کا آقا ‘ ویسا رتبہ نظر نہیں آتا

آپ تو رحمت دوعالم ہیں ‘ نور یزداں رسول اکرم ہیں
آپ ہی اس کے کام آتے ہیں‘ کوئی جس کا نظر نہیں آتا

رحمتوں کی معینؔ بارش ہے‘ خوب مولا کی یہ نوازش ہے 
’’جھولیاں سب کی بھرتی جاتی ہیں‘ دینے والا نظر نہیں آتا‘‘

معین گریڈیہوی

Mob: 9708111470, 9135400171
E-mail:- moingqtd@gmail.com
Website: www.moingridih.blogspot.com

٭٭٭٭٭