* Ye jo ham hijr mei’n deewaar-o-dar ko dekhte hai’n *
Ye jo ham hijr mei’n deewaar-o-dar ko dekhte hai’n
kabhee saba ko kabhee naamaabar ko dekhte hai’n
Woh aaye ghar mei’n hamaare khuda ki kudrat hai
kabhee ham unko, kabhee apane ghar ko dekhte hai’n
Nazar lage na kahee’n uske dast-o-baazoo ko
ye log kyon mere zakhm-e-jigar ko dekhtai’n hai’n
Tere jawaahir-e-tarf-e-kulah ko kya dekhai’n
ham auj-e-taal'a-e-laal-o-guhar ko dekhte hai’n
|