غزل
منصور خوشترؔ
ایڈیٹر’’ سہ ماہی’’دربھنگہ ٹائمزــپرانی منصفی، ‘‘ دربھنگہ‘‘بہار
(الہند)
+9234772764
جانے کہاں لے جائیگی مجھکو مری آوار گی
حاوی ہے سرسے پاؤ ں تک جیسے کوئی آوارگی
تیری محبت کا یہی اے جان جاں ہے ماحصل
تنہائی و آزردگی، آشفتگی، آوارگی
ساقی سے ہے شکوہ نہیں میخانے سے بھی کیا گلہ
حصہ مرا خالی سبو و تشنگی ،آوارگی
کچھ روشنی کا قرض بھی اب میری گردن پر نہیں
دل ہے اسیر تیرگی و بیکسی ،آوارگی
ہے گنبدِ افلاک پر تاروں کو بھی اک جستجو
میرے دل ناکام کو ہے چاندنی ،آوارگی
جو ش جنو ں کو چاہئے اک دشتِ تازہ دم بہ دم
ہے دور صحرا کس قدر اب پوچھتی آوارگی
کچھ سیر کوئے یار کی اچھی نہیں ہے جان لے
بدنام کر دے گی تجھے خوشترؔ تری آوارگی
***********************