کو چۂ یار کے اب جور و ستم یاد نہیں
شوقِ دل ،راہ گذر، شہرِ صنم یاد نہیں
ایسی بے لطف عبادت کا نہیں کچھ حاصل
لذت سجدہ و تقدیسِ حرم یاد نہیں
ہائے وہ تیری محبت ، ترا اظہار وفا
التجا کر تے ،ترے دیدۂ نم یاد نہیں
آرزو وں سے بہت دوراب اپنا دل ہے
اپنا دامن کہ ترا دستِ کرم یاد نہیں
دولتِ شوق کو بھی وقت نے کچھ لوٹ لیا
داستاں دل پہ کوئی تھی بھی رقم، یاد نہیں
اک غزل پر مری انعامِ وفا کی صورت
پیش بھی تونے کیا کوئی قلم یاد نہیں
میں نے ماضی کی ہر اک بات بھلادی خوشتر ؔ
ہوخوشی اپنی ،کسی اور کا غم ،یاد نہیں
********************