پہلے اپنے حسن ہی کا مجھکو دیوانہ کیا
وہ تو جوتھے سورہے  ،پر مجھکو افسانہ کیا

غیر کو اس نے پلا یا اپنے رنگیں ہاتھ سے
اور مجھکو پیش بے صہبا کا پیمانہ کیا  

زندگی بھر آرزو اس کو محبت کی رہی
اپنے جان ودل کا جس نے پیش نذرانہ کیا

عمر بھر لکھتا رہامیں ریت پر اس کا ہی نام
ہائے نادانی یہ کیسا کارِ طفلانہ کیا

کچھ تو آخر چاہئے تھا جاں بر ہونے کے لیے
غم بڑھا جب حد سے تو آباد میخانہ کیا

صفحۂ تاریخ پر وہ بن گیا نقشِ سیاہ
گلستاں کو جس نے پل بھر میں ہے ویرانہ کیا

خوشترؔ ہوگا زندگی میں دوست اس کا کب کوئی
جس نے اپنوں کو ،عمل سے اپنے ،بیگانہ کیا

*************************