آپ کے غم کو نہیں ہونے دیا برباد بھی
ان سے ہی تنہائی میں ہوتا رہا میں شاد بھی

گرچہ میرا حال بدکہنے کے قابل ہے نہیں
پھر بھی شکوہ کچھ نہیں ،لب پہ کوئی فریاد بھی

وہ مسرت ،شادمانی اور وہ قربت تری
اب دل ناکام کو وہ باتیں کب ہیں یاد بھی

وہ بھی کیا دن تھے جو گلشن میں گزارے ایک ساتھ
آرزو وں سے تیری ،دل تھا مراآباد بھی

گلستاں میں ہم کو زیر دام لانے کے لیے
مدتوں ناکام کو شش میں رہا صیاد بھی

بال وپر رکھ کے پرندہ ہے گرفتارِ بلا
اتنی جرأت تھی نہیں کہ ہوسکے آزاد بھی

ہے نتیجہ اپنے ہی اعمال کا اچھا، بُرا
کوئی خوشترؔ ہے اسی سے شاد یا ناشاد بھی

************************