Ghazal By Hasan Chishti
Be sabab murid e ilzaam hai kya arz karooN
Dil ki badnam thaa badnaan hai kya arz karooN
Manzil e subh e bahaaraaN hai nazar se oojhal
Mustaqil silsilah e shaam hai kya arz karooN
YooN to pahle bhi mila zahr bhara jam mujhe
Ab bhi Suqraat mera naam hai kya arz karooN
Dil ki begaanah e aaghaaz e wafa thaa pahle
Ab helaak e gham e anjaam hai kya arz karooN
Asr e haazir ke maseehaaooN ne woh zakhm diye
Zindagi larzah bar andaam hai kya arz karooN
Mera andaaz e junooN aur meri tarz e nawa
Qafile waalon mein kyoN aam hai kya arz karooN
Khoon e di nazr e sukhan kar ke Hasan kya paaya
Sirf dushnaam hi dushnaam hai kya arz karooN