* Miley gi meri nhi koi nishani cheezon mein *
Miley gi meri nhi koi nishani cheezon mein
Parri hui hon kahein mein purani cheezon mein
Mere wujood se qaim hain baam o dar mere
Simat rahi hai meri laa’makani cheezon mein
Lapak raha hai meri simt nuqraee baazaar
Machal rahi hai meri shaadmaani cheezon mein
Ye khush’numai lahoo ke eiwaz khareedi hai
Ghula hua hai nigahon ka pani cheezon mein
Bahisht se hi mein aayee zameen par lekin
Shumaar mera nahein aasmaani cheezon mein
Ye jaante huey koi wafa’shanaas nahein
Baser hui hai meri zindagaani cheezon mein
Wo aur hoti hain jo toot’ti nahein shayad
Likha gaya hai mujhey aani jaani cheezon mein
Phir aaya bhoola hua khwaab, raat naina mein
Likhi hui thi purani kahani cheezon mein
***** |