|
* Katne meiN Khamoshi se kya misl-e shajar hona *
Katne meiN Khamoshi se kya misl-e shajar hona
Taari ho teri dahshat, yuN seena sapar hona
Hai azm-e safar lazim, manzil ki KHabar lazim
Aur saath meiN lazim hai kuCH raKHt-e safar hona
Suraj ka ta’aqub kar, jaayega kahaN aaKHir
Ek amr-e yaqeeni hai har shab ki saHar hona
Har shaaKH pe har phal pe, har KHaar pe har gul pe
Ho saare gulistaaN pe ek aisi nazar hona
Yeh haq hai musaafir ka, aasaan ho rah uski
Rahmat ho jo qadmoN pe, woh raahguzar hona
rishtoN meN na aa paaye kaanTa jahaN talKHi ka
har ghar ki kahaN qismat ek ghar ka
sa ghar hona
samjha do faqiron ko phailao na haath apne
rozi ki zamaanat hai haathon meiN hunar hona
Seemaab mizaji ne pagal sa kiya dil ko
Ik pal meiN idhar hona, ik pal meiN udhar hona
us zulf ko sar karma javed hadaf mera
mumkin nahin lagta hai jis zulf ka sar hona
****** |
|