* Rahoge zindah zamaano makaaN qaymat tak? *
Ghazal by Dr Javed Jamil
Rahoge zindah zamaano makaaN qaymat tak?
Machaye rakkhoge shoro fughaaN qayamat tak?
Hai ik azaab-e musalsal ye imtahaan-e azeem
Magar na paaenge lutf-e jinaaN qayamat tak
Sulagte rahte haiN jazbaat ke jahannum meiN
diloN se uTHta rahega dhwaaN qayamat tak
kabhi azaab kabhi ban ke abr-e rahmo karam
zameeN pe barsega yeh aasamaaN qayamat tak
ye aadmi abhi bachcha hai Aql se javed
umeed kam hai ke hoga jawaaN qayamat tak
****** |