* Jadaa-E-Fan Mein Bare Sakhat Muqaam Aate Hain *
Jadaa-E-Fan Mein Bare Sakhat Muqaam Aate Hain
Mar Key Reh Jata Hai Fan-Kaar Amar Honey Tak
Kitane "Ghalib" They Jo Paidaa Huye Aur Mar Bhii Gaye
Qadar Danoun Ko Takhallus Ki Khabar Hone Tak
Kitane "Iqabal" Rah-E-Fiker Mein Uthey Lekin
Raastaa Bhool Gaye Khatam-E-Safar Hone Tak
Kitane "Shabir Hassan Khan" Na Bane "Josh" Kabhii
Mar Gaye Kitane "Sikander" Bhii "Jigar" Hone Tak
"Faiz" Rang Bhi Ashaar Mein Aa Sakataa Thaa
Ungaliyaan Saath Tou Dayein Khoon Mein Tar Hone Tak
Ch'nd Zar'roon Hi Ko Milti Hai Ziyaa-E-Khurshiid
Ch'nd Taare Hii Chamaktey Hain Sahar Hone Tak
Dil-E-Shaa'yar Pe Kuchh Aisi Hi Guzarati Hai 'Figaar'
Jo Kisi Qatarey Pey Guzare Hai Gohar Hone Tak
Poet : Dilawar Figaar
|