شرم سے چور ہوگیا شیطاں
٭٭٭٭
کارِ انساں پہ رو گیا شیطاں
کیسے الزام ڈھوگیا شیطاں

کام انساں کا نام شیطاں کا
نام بدنام ہوگیا شیطاں

آدمی آدمی کا دشمن ہے
بیج کیسے یہ بوگیا شیطاں

اپنے بھائی کے خون کا پیاسا
آج انسان ہو گیا شیطاں

آج انساں نہیں رہا جگ میں
لے کے آرام سوگیا شیطاں

وہ کرشمے دکھائے انساں نے
شرم سے چور ہوگیا شیطاں

آج ڈرنے لگا ہے انساں سے
اپنی اوقات کھو گیا شیطاں

چل سکی جب نثارؔ پر نہ کوئی
اپنے آنسو پرو گیا شیطاں
٭٭٭٭
شاعر : احمد نثارؔ
09325811912
Email : ahmadnisarsayeedi@yahoo.co.in