|
جدیدیت ، بعد جدیدیت۔۔ جدید شاعری، اور ندا فاضلی
حمیدہ معین رضوی
نام امقتدا حسین عرف ندا ٖاضلی
پیدائیش ۱۲ اکتوبر ۱۹۳۸
موت۔ ۸فروری ۲۰۱۶
ردو شاعری اور جدیدیت کے بارہ میں میرا ذہن صاف نہیں ۔ممکن ہے میں کم فہم ہو ں اسلیئے میں نے سوچا کہ ندا فاضلی کی شاعری پہ گفتگو سے قبل پہلے میں میں اپنے خیالات کی وضاحت کروں۔ کہ میرے ذہن میں جدید اور جدیدیت وہ ہے جو بھاپ کے اینجن۔ واہموں سے نجات اور ساٗینس کی برتری کے رویئے کی تحریک کی صورت انیسویں صدی کے آخری نصف میں شروع ہوکر بیسویں صد ی کے ّآخر تک ، جب یہا ں دریدا کے ایل یونورسٹی میں لیکچر کے بعد ۔ بعدِ جدیدیت کا بھی کریاکرم ہوچکا تھا۔مغرب کی جدیدیت کی وجہ اور مقصد اور اسکی جلو میں ایک منصوبہ تھا جو روشن خیالی کے نام سے شروع کیا گیا پھر جدیدیت کی گود میں کھیلتا کودتا بعد ِ جدیدیت کے سائے میں پروان چڑھا اور اب دریدا کی تربیت میں جوان اور طاتور ہوکر دنیا کو تہس نہس کر رہا ہے ۔میں چاہتی ہوں کہ اردو کے قارٗین بھی اس سے متعارف ہوں کیونکہ مجھے نہیں معلوم اردو والوں کی جدیت کس مقصد کے تحت کس دروازے سے گھس آئی ۔اور وہ کیاہے؟ تاکہ وہ اسے مسترد کردیں
ہائی ڈیگر لکھتاہے ۔’’ جدیدیت انسانی وجو دکی بے معنویت اور بے ثباتی اور لا مو جو د یت کا نام ہے ‘‘
جبکہ نیطشے Will to Power میں کہتا ہے ’’جہان تک سچ ،حقیقت اور صداقت کا تعلق ہے یہ بے معنی چیزیںہیں ۔ روشن خیالی انسان کی اپنی غرض
ہے جو دنیا کی تشریح کرتی ہے ۔ قوتِ ارادے سے دنیا اور اس کے ذرائع پہ قابو پانا روشن خیالی ہے روشن خیالی کاتعاقب طاقت کے حصول کا تعاقب ہے۔آزادی اور انصاف کے لیئے کسی ماورا طاقت۔مذہب اور بذہبی اخلاقیات ۔ روایات ،اقدارِ انسانی، اور مساوات کی حاجت نہیں روش خیالی اور جدیدیت کے تمام فلسفی اس بات پہ متحد ہیں کہ اصول ِانصاف اور آزدی سفید قوموں کا حق ہے۔اسی لیئے وہ فوق طاقت یا کسی خالق کے وجود کو نہیں
ما نتے کہ تمام مذہبی نظام کسی نہ کسی صورت انسانی مساوات کو مانتے ہیں۔دنیا کے وسائٗل اور مادی طاقت کے ذرائع پہ قابو رکھنا سفید قو موں کی ذمہ داری ہے ۔اور دنیا میں حکمرانی کے قرینے صرف سفید قوموں کو آتے ہیں ۔یہ جدیدیت کا ا ٓدرش تھا ، اور ہے
کانٹ ہیگل نیطشے اور Habermas ہائی ڈیگر ،لاکاں ۔اور فوکو ان سب کا خیال تھا اور کئی ااور لوگوںکا بھی کہ پہلے روشن خیالی اور پھر جدیدیت کے لیئے معاشی خوش حالی ضروری ہے بلکہ خود کارل مارکس کا بھی یہی خیال تھاکہ خوشحال انسانی فکر کو بدل کر جدید بنا دے گی ، مگر بعد میں طے ہوا کہ ۔۔۔۔۔۔کچھ اور چاہیئے وسعت مرے بیاں کے لیئے ۔کارل مارکس نے اپنا خیال بدل دیا
یہ سب قصہ ہماری ۱۸۵۷ کی پہلی جنگِ آزدی کے قرب کا ہے ۔اس وقت ہم نے اس معربی دہشت گردی اور زبردستی کو ۔ استعمار اور سامراج کا نام دیا تھا ۔جبکہ سفید قومیں اپنے خیال میں دنیا کو نام نہاد مہذب بنانے کی کوششوں میں مصروف تھیں۔بعد میں دریدا کے ساتھیوں نے استعمار اور سامرااج کو ریاست ،او ر سلطنت کانام دیا اور اب نئے ہتھیاروں سے لیس ہوکر وہ دنیا کو جمہوریت سکھانے نکلے ہیں ۔
تاہم مارکس ویبر نے روشن خیالی اور جدیدیت پہ اپنی کتاب 1979 اور پھر Modernity 1958 کے صفحے ۲۸۹ پہ تفصیل سے روشنی ڈالی ہے۔مگر وہ بھی جدیدیت کی کوئی تعریف کرنے سے قاصررہا ہے۔تاہم مختصراََ یہ ہے
۱ (۱)، سفید قوموں کو دنیا پہ حکومت کرنے کا حق اسلیئے ہے کہ وہ زیادہ ذہین ہیں اور انھیں وہ لفظ استعمال کرتا ہے ۔Empirical Knowledge اپنے استعماری تجربات سے حاصل ہوئی ہے۔(جو انکی غلام قو موں کو حاصل نہیں ،بات صحیح ہے لشکر کشی ان لوگوں نے بھی کی مگر دوسری قوموں کو کمتر سمجھنے او ر غلام بنانے کا تجربہ انھیں نہیں تھا۔ ان لوگوں نے یہ بھی نہیں بتا یا کہ جب مغربی قومیں گھاس بھوسہ کھا رہی تھیں تو مشرق میں طرزِ حکومت کیا تھی انکی تہذیب کیا تھی؟چین ،ہندستان، عراق، المغرب، اور غرناطہ میں کیا ہورہا تھا۔؟
(۲) ۔۔۔تاریخی تنظیم اور اس کا علم صرف انھیں ہے (انھیں آٹھ سو برس کی مسلم ا یمپائیر کا علم نہیں یہ بھی معلوم نہیں کہ مغرب کی نشاہِ ثانیہ اسلامی
(۲)
سائینسی علوم کی مرہون، منت ہے۔ جو سفید قوموں کی دریافت اور ایجاد ہے)
(۳)۔۔موسیقی۔ ڈراما۔۔فنِ تعمیر۔میں یورپ کا کوئی ثانی نہیں (۔۔ یاد رہے کہ ۔۔غرناطہ۔۔ قرطبہ۔۔ تاج محل بلکہ تمام مغلیہ عمارات۔ صنسکرت کے ڈرامے۔ہندستانی رقص اور موسیقی عربی موسیقی۔ خود میوزک جو عربی لفظ ہے اسکا وجوداس نے ناموجودکردیا۔)
انکے خیال میں مغربی قوموں نے نے ۔۔حکومت کرنے کے لیئے قوانین پارلیمنٹ کے ذریعے بنائے ان میں سیا سی تنظیم۔اورقوانین بنانے کی صلاحیت ہے اپنے
اس حوالے سے ھکسلے کاWord and Behaviour مضمون بھی یاد کیجیئے جو بتاتا ہے کہ سیاست دان کیسے عوم کو الو بناتے ہیں۔
(۵)۔۔۔سب سے اہم ۔دنیا کے خالق کا انکار ۔ مذہب کا انکار ۔معاشرے کی اقدار کا انکار۔۔ ۔پرانی انسانی اقدار کا انکار۔۔بڑوں چھوٹوں کی عزت کا انکار ،شادی اور کنبہ پروری کا انکار۔اپنی قومی اقدار کا انکار،اپنی قومی شناخت کا انکار۔اور اپنی تہذیب سے انکار ۔
Definitely seeds for globalistion which Edward Saeed was the first one to notice..
یہ مغربی جدیدیت ہے اسکے سا تھ کچھ چیزوں کا اثبات بھی ضروری قرار دیا گیا ۔وہ درج ِ ذیل ہیں۔
سائینسی ٹھو س سحقیقتوں کا اقرار۔۔ سائینس کی بالادستی کا اقرارآرٹ میںبے معنویت کا اقرار ۔اظہار میں سر ریلزم کا اقرار مغرب کی بالادستیوں کا اقرار۔ اظہار میں ابہام اور پر اسراریت کا اقرار ۔چیر ہ دستیوں ، قتل وغارت، کھلی جارحیت ۔ کے بہترین ہونے کا اقرار ۔ یہ سب شرا ئط۔ سائینسی ٹھو س سحقیقتوں کا اقرار۔۔ سائینس کی بالادستی کا اقرارآرٹ میںبے معنویت کا اقرار ۔ ر مغرب اور اسکی تہذیب کی برتری اور بالادستیوں ،چیر ہ دستیوں کے بہترین ہونے کا اقرار ۔ یہ سب شرا ئط۔ ایک جگہ درج نہیں ۔مختلف لوگوں نے ۔ مختلف کتابوں میں ایک دوسرے کی حمایت میں لکھا۔ جب یہودی کمزور تھاتو شناخت اور قومیت کو برا کہا گیا بعد میں جیسے کہ عمرابن بھنڈر بھی اپنی کتاب فلسفہ مابعدِ جدیدیت میں لکھتا ہے:
ـ’’اڈورنو یہودیوں کو تحفظ دینے کیلیئے میدان کارزار میں اتراکہ وہ مغربی فکری سطح پہ کچلنے والے عوامل کو دریافت کرے سچائی، برائی اور شناخت کو پہلے ضروری کہا
َ گیا جب یہودی قوت حاسل کر لیتا ہے تو دریدا سامنے آتا ہے وہ اس تسلسل کوآگے بڑھاتے ہوئے سچائی برائی اور شناخت سے منکر ہوجاتا ہے۔جب شناخت کی انھیں ضرورت تھی اڈورنو نے باقی سب کی شناخت کو تسلیم کرنے سے انکار کیا تاکہ (سب کو بے چہرہ کرکے صرف یہودی چہرے والے بن سکیں )اور یوں (نئی صورتِ حال سے ) نئی تھیوری پیدا ہوئی جس کا نام ’’ردِ تشکیل ہوا ‘‘ جو شناخت کے لیئے جدو جہد سے روکتی ہے گیارہ ستمبر سے پہلے جب بورژودانشوروں نے اپنے مستقبل کا لائیحہِ عمل ترتیب دے دیا جسے گیارہ ستمبر کے بعد عالمی سطح پہ مسیحی دہشت گردی سے پایہِ تکمیل تک پنچانا تھا ،تا تو درسگاہوں میںردِ تشکیل کا کاروبار شروع ہوگیا ‘‘
صفحہ ۲۸۔۔۲۹ فلسفہ مابعدِ جدیدیت از عمران بھنڈر
میں نے جدیدیت کی اردو ادب کے حوالے سے سمجھنے کی کوشش کی مجھے کوئی ایسا نکتہ نہ مل سکا جسے میں اردوکی جدیدیت کا حوالہ بنا سکوں کہ اردو ادب میں اسکا مفہوم معلوم ہو سکے کیا ہے ؟ کیا س کا مطلب ٹی ایس ایلیٹ کی طرح دنیا کو قبرستان سمجھنا ہے۔ اور رونا ہے ۔
جبکہ ٹی ایس ایلیٹ تو کروڑوں انسانوں کے مروادیئے جانے پہ رہ رہا تھا ہمیں کیا غم تھا ؟
ہمارا تو خوشی کا دور تھا ہم نے نئی نئی آزادی حاصل کی تھی۔۔ہمیں اپنے ملکوں کو طاقتور بنانے کی کوشش کرنی چاہیئے نہ کہ انڈے میں سے ہاتھی نکامنے کی کوشش۔ ہم شاید مارشل لاٗوں کو رو رہے تھے ۔یا ہماری بے حسی پہ مارشل لا ہمیں ر و رہاتھا۔ اور۔جاگیرداری۔سرمای داری کے ساتھ فوجی قوم کے سر پہ معاشی لو ٹ کھسوٹ کرنے والے نئے طبقے کے طور پہ حلقہ بندی کر رہے تھے جو اب ۔۔جبر کی تیسری طاقت کے طور پہ مکمل ہو چکی ہے ۔ صرف فوجی علاقوں سے گزر کر دیکھئیے آپ کو اپنی اوقات معلوم ہوجائیگی۔ سفید آقا بھی آکے دیکھیں تو رشک کریں ۔ کہ قوم کو تھوکر پہ رکھنے کا اور غیر مساواتی معاشرہ تر تیب دینے کا پاکستا نییوں کو ا کیسا گرآیا ہے ۔ یہ ہمارے سول سروینٹ حضرات برطانیہ آکر دیکھیں تو آنکھیں کھل جائیںکہ جنھیں تنخواہ کے علاوہ دھیلا نہین ملتا اور فوجیوں کو تو کوئی گھاس بھی نہیں ڈالتا ۔اگر مغرب کی نقل کرنی ہے تو پوری کی جائے ۔یہاں کرنل ہو جنرل سول سروینٹ ہو کسی کو کوئی نہیں پوچھتا جبکہ ہمارے۔اس بے بصیرت صورتِ حال میں اور غیر مساوات سے بھر پور مسلم معاشرے کا کوئی ضمیر نہیں ؟ یہی وجہ ہے کہ معاشرہ بے بصڑ ہے اسلئے ادب بھی بے بصری ہے ۔ اور ہمارے نز دیک جدیدیت کا مطلب کم ہمتی یا بے ہممتی، قنوطیت بے معنویت ہے کم از کم افسانوں میں تو یہی لگتا ہے ۔ شاعری میں نظموں میں
(۳)
حالت زیادہ خراب رہی ہے ۔شکست خور دگی ۔لایعنیت ،
بعدِ جدیدیت ا کے مردے اٹھانے پہ ہماری نسل کو بھی مجبور کیا گیا ۔؟
نزدیک تو دونوں کا جواب نفی میں ہے ۔جب یکایک جدیدیت کا شہرہ اردو میں ہواتو مجھے لکھتے ہوئے کئی برس ہوگئے تھے ۔اور میں اسے ادب برائے ادب کی نئی صورت سمجھی تھی ۔میں ترقی پسند تحریک سے زیادہ متاثر تھی اور جتنا اچھا ادب اس تحریک نے پیش کیااسکی مثال نہیں ہے ۔اپنی تمامتر خامیوں کے باوجود
باوجود۔ترقی پسندی کا ہماری زندگیوں ، ہماری غربت ہماری غلامی ہمارے استحصال سے گہرا تعلق تھا ۔ مگر جدیدیت۔۔۔۔۔۔۔؟
مغرب میں جدیدیت لبَ گور ہونے کی وجہ یہ ہوئی کہ جس معاشی تحفظ کی ضرورت مغرب کو تھی اسے خود انھیں کی دو جنگوں نے تہس نہس کیااور ہٹلرنے یہودیوں کو نکال کر مغرب کے فلسفیوں کو سر جوڑ کر بیٹھنے پہ مجبور کیا۔ کیونکہ سامراجی استعماری، اور استحصالی صورتِ حال جو پہلے ہی خراب تھی اسکو کیوباکی آزدی نے اور بد تر کردیا ۔۱۹۶۰ سے ۱۹۷۴ جب مغرب کی روشن خیالی ایک تاریک خیالی کے در کھول رہی تھی کیونکہ دنیا کے وسائل پہ انکی گرفت ڈھیلی پڑ گئی اور غلا م ملکوں نے خود کو منوانے کے لیئے سر اٹھایاتو روشن خیالی کی طاقت اور بھرم ٹوٹ گیا تھا ۔ مغربی آقا بوکھلا اٹھے اب صرف دنیا کے وسائل پہ سفید قوموں کے حق کو مسترد کیا گیا جا رہا تھا ْجدیدیت اور بعدِ جدیدیت کا نقارہ بجانے والے ہاتھوں میں رعشہ آگیا تھا اسلئے ردِ تشکیل کا فلسفہ گڑھا گیا۔ جمہوریت کا درس شروع ہوا ۔اوردنیا کے وسائل پہ قبضے کا نیا انداز وضع کیا گیا ۔غور کیجئے کیوبا گیا ۔ تو بدلے میں روس کی جڑیں کھوکھلی کی گئیں اور پھر نیم جاں اسلامی ممالک کا نمبر آگیا اسلامی ممالک جہاں ہر فرد ذاتی حکمراانی کے لیئے پوری قوم کو ْقربان کرنے کو تیارہے ا پیٹریشیا واغ Modern Literary Theory "صفحہ ۳۲۲ پہ لکھتی ہے ۔
" It is difficult to avoid feeling that not only are we landed back in the dark ages but it is the rationalism of Enlightenment thought, that have marooned us there, in the first place . Modernity we were told is coming to an end , strangled by its own contradictory knowledge, born astride on the grave which has become its own abyss just as Greek civilisation or the feudal Age had come to an end and just as Neitzsche had announced the death of God a century earlier, conteporary theorists Fouca announced the modern Western man as faces in the sand eroded ever by an encroaching sea.
جدیدیت کے استعماری نظریات کی وجہ سے سب سے پہلے یڈورڈ سعید نے جرٗات کی اور اس کے خلاف آواز اٹھائی ۔
ایڈورڈ سعید نے ایک نئی اصطلاحنکالی ’’وہ ‘‘ یعنی پرانے آقا۔جو بھیس بدل کر آئے ہیں اور اسکے مقابل ’’ ہم ‘‘ یعنی فلام۔ انکی بھی شکل بدل دی گئی ہے ایڈ ورد سعید ۔ Oreentation میں اعلان کرتا ہے ہم بھی اس دنیا مین رہتے ہیں ہمیں بھی اس دنیا پہ حکومت کا حق حاصل ۔ہم اگر چہ مختلف ہیں۱۹۵۷ سے ۱۹۸۹ تک نئی تھیوری آ یعنی ردِ تشکیل تو پھر اس جدیدیت کا ذکر اور اس حوالے سے شاعر کی عظمت اور یا درجہ بندی کیا معنی۔ جبکہ مغرب کی اس تھیوری سے اس کا کیا تعلق۔؟کم اچکم دو چار کتا بیں ہی لکھدی جاتی ں تو میر طرح کے کنفیوز لکھنے والوں کے لئے مشعلِ راہ ہوتیں ۔قاری کو حق ہے یہ سوال کرنے کاکہ آ’’ آپکو کیوکھو ںج اور پریشانی ہے؟‘‘
مجھے اتنی کھوج اسلئے ہے کہ میں ندا فاضلی کی شاعری پہ لکھنا چاہ رہی تھی اور عرفِ عام میں وہ جدید شاعر ہیں۔
میں نے انکے حالاتِ زندگی بھی پڑھے ۔شاعری بھی ۔کسی کا تعلق بھی ا س مغربی جدیدیت سے ملا جبکہ میر ے نزدیک ہر دور میں جدید اور قدیم ساتھ ساتھ زندہ رہتے ہیں جیسے کہ ہر دور میں جوان اور بوڑھے ہر دور میں ساتھ ساتھ رہتے ہیں،نیا وقت ، نئی زمانی ، مکانی ، سمساجی اور رہذیبی ضرور تیں نئی فکر ، نئے علم۔نئے تجربات اور نئیایجادات کا باعث بنتی ہیں اور یہ عمل خود زندگی کی طرح تسلسل کے ساتھ جاری ہے ۔ حتیٰ کہ انسن کے جزبات اور باطن میں طرزِ احساس بھی زمانے کے ساتھ بدل جا تے ہیں ۔ یاس ، حسرت ، رنج و غم نقصان اور محرومی ا وہی انسانی ہوتی ہے۔ اس لئے ہم ہومر کو ، ملٹن کو ، حفظ کو سعدی کو سودا اور میر کو پڑھتے ہیں اور پسند کرتے ہیں ۔ کہ وہ بھی انسان تھے ہماری طرح مگر وہ جن چیزوں سے مطمئین ہوجاتے تھے ہم آج نہیں ہوں گے۔ ایک مختصر گھر اور ۔ اور روزی کا ذریعہ اس وقت کافی تھا گو کہ طمع کے تین حرف اور
(۴)
تینوں خالی ہیں ۔اور ہوس جب بھی تھی ، اب اس کی نوعیت اور تقاضے بدل گئے ہیں ۔ اس لئے مجھے افسانوں میں کچھ لوگ مغربی جدیدیت کے ابہام اور ، سر ریلزم،اظہار کے بجائے علائم کا استعمال کنے لگے اور فکشن کو چیستان بنا یا ، اور کہیں کہیں نظموں میں بھی چیستان نظر آئے۔ مگر پھر لوگ تائب ہوگئے ۔میں فخر کے ساتھ کہ سکتی ہوں کہ ہماری غزل غزل ہی رہی ۔ اور جو اسکے سلیقوں قرینوں میں نازک تبدیلیاں آئیں وہ طبعیء اور قدرتی تھیں ۔ا ندا فاضلی کے کلام کو میں نے پڑھا ہے ۔ وہ انتہائی مقبول شاعر ہیں ، اور فلموں کی وجہ سے یہ مقبولیت اور بڑھ گئی ۔۔ سب رسالوں میں پڑھتی آئی ہوں جن میں میں بھی لکھتی رہی ہوں فنون سیپ، اوراق،ادبِ لطیف نیا دور سویرا ، ادبی دنیا، چہار سو اورتخلیق، میں نے ان کو ایک اچھے شاعر کے طور پہ پڑھا ویسے بھی ان رسالوں میں شا ئع ہونا بذاتِ خود ایک اچھے شاعر ، افسانہ نگار،یا مضمون نگار ہونے کی سند ہے۔نداکے کلام کے ساتھ کئی اور شعراء کو بھی پڑھا جنھیں جدید کہا جاتا ہے ۔ یہی جاننے کے لئے کہ جدیدیت کی کیا شناخت ہے اردو میں ْ شکیب جلالی ساقی فاروقی،کو پاکستان میں جدید کہا گیا ۔ شاید محسن بھو پالی ۔ حمایت علی تسلیم االٰہی زلفی ۔ اختر لا یمان، انڈیا میں ندا فا ضلی۔ مظہر امام وغیرہ
ویسے میں نے ادب کے میدان میں۷ ۱۹۵ و میں قدم رکھا مجھے ہر ایک کی شاعری ا اپنے سے
ا چھی لگی اندازہ تھا انکی تشبیہات استعارات علائم آدرش وغیرہ ۔لیکن میرا بنیادی تصور یہی ہے شاعری شاعری ہے جیسا کہ آل احمد سرورنے شاعری کے حوالے سے کہا
’’شاعر عام زبان کی توسیع کرتا ہے اور ہر لفظ کو گنجینہ معنی کا طلسم بنا دیتا ہے ۔۔۔۔شاعر کو جب خیال کے اظہار کے لئے مناسب اور موزوں الفاظ نہیں ملتے تو اسے کلمات و الفا ظ کا سینہ چیر کرنئے معنی کی روح داخل کر نی پڑتی ہے‘‘ پندرہ روزہ ’آواز‘ دہلی(اقبال نمبر)جلد۴۲۔ شمارہ ا ۔۔ ۲۴ ۔۔دسمبر۱۹۷۷ ص۴
سرور صاھب بھی میرے خیال سے اتفاق کرتے نظر آتے ہیں کہ شاعر ۔ شاعر ہے وہ کسی دور کا ہو اچھا شاعر تبدیلی لاتا ہے اور جدید بن جاتا ہے
ادب کی ابتدائے سفر میں میں مجھے ان چیزوں سے واسطہ بھی نہ تھا۔ آئینِ سلطانی خسروان دانند ، یعنی مدیران رسالہ میں ۱۹۶۸ میں لندن آگئی ۔میں سیدھے سادے ہی افسانے لکھتی رہی ۔مجھے انڈے میں سے ہاتھی
اور انسان کے پیٹ سے گدھ نکانے کا گر نہ آیا مگر ۔ اپنی کوڑھ مغزی پہ جھنجلاہٹ ضرور ہوئی ۔ کمار پاشی نے اپنی پہلی کتاب بھیجی اسے پڑھ کر معلوم ہوا وہ بھی جدید شاعر ہیںہے ۔ ا پھر لندن میں جدید شاعری کے علم بردار ساقی بھائی سے ملاقات ہوئی دل خوش ہوگیا امید بندھی کہ شاید انھوں نے کوئی کتاب لکھی ہو۔منزلِ مقصود کچھ قریب معلوم ہوئی سوچا اب انکشاف کا اٹھواں در کھلنے والاہے ۔ ساقی بھائی سے کوئی کتاب تو نہ ملی البتہ کمار پاشی کے اعزاز میں جو مشاعر ہ افتخار عارف نے کروایا اس تقریب میں پہلے ساقی بھائی نے جدید شاعری پہ ایک بسیط مضمون پڑھا اور ۔مشا عرے میں میں نے جو غزل پڑھی اسے ا انھوں نے مشاعرہ کی واحد جدید غزل کہا یہ میرعے لئے نئی خبر تھی سمجھ میں نہ آیا کہ کیوں۔؟ پھر ر۱۹۸۲ بعد میں جب ساقی بھائی اور کمار پاشی میر ے گھر تشریف لائے میری نظم ’بلاوہ ‘ سنی تو دونوں نے اسے سر ر یلزم کی نظم کہا اور اسے جدید کہا ۔۔لیکن اس جدیدیت کے آسیب نے میرا پیچھا نہیں چھوڑا ۔جب ندا فاضلی پہ مضمون لکھنے کا مرحلہ آیا تو جدید شاعر ی کی خصوصیات کے ساتھ تو مجھے جدییت کی خصوصیات ڈھونڈنے کی ضرورت جمحسوس ہوئی ۔اور بسم ﷲ میں نے انگریزی سے کی ۔کہ انظار حسین اور قاضی جاوید کے حوالے سے بھی اس کا ذکر بہت ہوا اس سلسے سے بھی مجھے جدیدیت اور روشن خیالی کے تہہ میں چھپے موتی ڈھونڈ نے کی ضرورت محسوس ہوئی ۔ایک کتاب کا ذکر کرنا بے جا نہ ہوگا وہ کشمیری نقاد پروفیسر پریمی رہمانی کی کتاب فکرونظر ہے
جس میں وہ مظہر امام کی شاعری کا تجزیہ کرتے ہوئے جدیدیت پہ کچھ روشنی ڈالتے ہیں اور کچھ اور نقادوں کی آرا جمع کرتے ہوئے جدید شاعری کے بارہ میںترقی بسند نقاد سید محمدد عقیل کی رائے لکھتے ہیں
’’ جدید غزل کی محبوب علامتیں ۔ سایہ تنہائی،اندھیرا روح کا کھوکھلا پن ۔سورج ۔ پیڑ، پانی ،ریت ک،کیچڑ، پتھر جنگل
یہ وہ علامتیں ہیں جو واضع طور پہ ملتی ہیں۔ اگر چہ ان کے مفہوم بھی ہر شاعر کے ہاں بدلتے رہتے ہیں ۔لیکن کم ازکم انہیں غزل یا نظم میں دیکھ کریہ اندازہ
کیا جا سکتا ہے کہ یہ جدید غزل یا نظم ہو سکتی ہے ۔ ‘‘
(۵)
[ ماہنامہ شاعر۔۔(گوشہ مظہر امام)جلد ۵۲ شمارہ۹۰۔۔۱۹۸۱ س۱۳۳۔ کتاب داکٹر سید عقیل ںئی علامت نگاری) ]
خصوصیات دکھاتے ہیں ان میں درجِ ذیل الفاظ کا خصوصی ذکر ہے یہ تراکیب تشبیہات استعارات ، علائم ۔ وغیرہ ۔خوبصورت تشبیہات، استعارات اور علائم جیسے پیاس سمندر چراغ ،سفینہ۔سورج۔آنگن۔۔برف۔چنار دھواں۔مکان ۔سایہ شمع بلبل۔۔حیاتِ پریشاں دشت محبت فر زلفِ پریشاں ۔چشمِ فسوں صورتِ جرس ازِ چرخ ۔تیغِ خون۔ جامِ سفال۔حریفِ نورسکوتِ گل دامنِ حیات ماند خ۔ دستِ رعشہ دارمانندِ سنگ و خشت اہلِ ِ ہوس۔حشرِ تماشا، صا حبِ نگاہ۔سرِ شاخِ ثمر۔حسنِ تتبسم، بامِ فلک بوس، شاخِ ثمر دار،۔۔ نقوشِ پا گردِ رہ، فصلِ تمنا، دشتِ باد سکوتِ کوہ۔ محوِ دعا منزلِ دل،جزوِ بدن،گردشِ ایام،، سرِ شام ماہِ تمام۔ شجرہ کشکوؒل۔پجاری بدن۔دیتا۔علائم کا کافی اس تعمال
عصری حسیت جدید یت وغیرہ ۔ پریمی رومانی نے مظہر امام کی شاعری پہ تبصرہ کرتے ہوئے جدیدیت کی یہ شناخت بتائی ہے ۔کم از کم پریمی نے کچھ تو بات کی ورنہ تو کسی نے کوئی تبصرہ تک نہیں کیا ۔
جدید افسانے کی تو مجھے پہچان ہے تاریکی قنوطیت ، زیرِ سطح ہراس ، بے معنویت ، زندگی سے فرار،بے سمت بے انت سفر، خارج کی وسعتوں کے بجائے داخل میں منہ چھپانے کی سعی۔بعض نے تو یہ بھی کہہ ڈالا رحمِ مادر میں لوٹ جانے کی جہد ۔اس احمقانہ منفی رویہ میں ضرور مغربی جدیدیت نظر آتی ہے اور اور وہ انکے عزائم کی تکمیل بھی کرتی رہی ہے۔
ایک نکتہ اور کہنا چاہوں گی خس دور کی شاعری میں اپنی تشبیہات استعارات علائم تلمیح نہیں تھے ۔ترقی پسندوں کی بھی نمایاں تراکیب تھیں جو
جدید شعراٗ نے بھی استعمال کی ہیں ۔ اسی طرح علامہ اقبال کی تشبیہات علائم اور تلمیحات ترقی پسندوں نے اور جدید شعراٗ نے بھی استعمال کی ہیں ۔
اس صورتِ حال کی مو جود گی میں معذرت کے ساتھ میرا خیال صحیح ہے کہ افسانوں کی بے معنویت کو تو کچھ مغربی جدیدیت کاعکس ہے ا مگر شاعری کا جہاں تک سوال ہے ۔ اور وہ بھی غزل کا تو صرف یہ ہے کہ آج کی شاعری گذرے کل سے مختلف ہوگی اس سے کوئی مطلب نہیں کہ شاعر کا تعلق معاشرہ کے کس گروہ سے یا ادب کے کس گروہ سے ہے کیونکہ زندگی کی نہج اور سلیقہ ہر آن بدل رہا ہے ۔۔۔ اور کرب،ِ زندگی کے زخم اور تازیانے بھی ہر آن اپنی نوعیت میں بدل رہے ہیں ہوگی آج کی شاعر کی امیجری ، تشبیہ ، استعارے، علائم افکار، حساسیت ، اور طرزِ فکر مسرت اور نحرومیاں آج کی ہو ں گی اور ایسا ہوتا رہے گا، اس لئے جدید شاعری کو ماڈرنزم سے نتھی کرنے کی چنداں ضرورت نہیں محسوس ہوتی ، کیونکہ شاعر کی معراج ؑ شاعری کے معیار میں ہے مدیروں کی گروہی تقسیم میں نہیں ۔
جدید کی تلاش و جستجو میں یہ بھی انکشاف ہوا کہ بعض نقادوں نے جدیدیت کا شجرہ روحانیت سے بھی جوڑا مگر یہ ممکن اسلئے نہیں کہ جدیدیت کا باوائے آدم نیطشے کسی فوق ہستی کا ہی قائل نہیں یہ دوسری بات کہ اردو کے نقاد اسے زبردستی کلمہ پڑھانے پہ مصر ہوں پھر ما وارائیت کے لیئے اپنے صوفی شعرا ء نے ہزاروں طریقے بتائے ہیںِ۔ یہ سر ریلزم۔۔جو جدیت سے نتھی ہے اور بے معنویت کی قائل ہے اس کا رشتہ ہمارے بامعنی معاشرت کے ساتھ ہو ہی نہیں سکتا ؟مجھے ایسا محسوس ہوتا ہے کہ اردو والوں نے بھاگتی ہوئی جدیدیت کوپکڑنے کی کوشش کی تو اسکی دم ٹو ٹ کرانکے ہاتھ رہ گئی اور اس دم میں دو چیزیں ہاتھ آئیں ۱۔بے معنویت ۔اور مذہب کا انکار جو اس سے قبل ترقی پسند تحریک والے بھی کر چکے ہیں دیکھئے اس کا انجام کیا ہوا۔انھیں دونوں حوالوں سے میں نے ندا فاضلی کے کلام کا مطالعہ کیا۔مجھے وہ غزل کے ہی شاعر نظر آئے اور انکی شاعری اچھی لگی ۔ بلکہ مقبولیت کے باب میں انھوں نے بہت سے شاعروں کے ریکارڈ توڑے ۔ مجھے ندا کی شاعری اچھی لگی ۔ انکی شاعری می انکی اپنی شناخت ہے ۔انکا اپنا رنگ ہے اور انے پس منظر کی دحنک رنگی وہ دلکش شاعری لگتی ہے ۔
با معنی اور ۔۔بے معنویت سے دور۔خوف و ہراس سے دور قلبِ ماہیت کی حسرت سے پرے ۔
میر ا خیال ہے ہر شاعر اپنے ماحول ، پس منظر ،سماج معاشرت تربیت تعلیم اور سب سے بڑھ کر اپنے عہد کا پروردہ ہو تا ہے ۔جب وہ خیال جذبات، احساس اورفکرکا اظہار کرتا ہے تو وہ یہ نہیں کرتا کہ نوٹ بک نکالے اور جدیدیت یا ترقی پندی کی سند یافتہ تلمیح تشبیہ استعارہ کنائے وغیرہ تلاش کرے ۔ ہر عہد اپنی
تشبیہات ،تلمیحات ،ور استعارے خود بخود پیدا کرتا ہے غزل لکھنے والے ذاتی تجربات اور دوسروں کے کلام کے مطالعے سے جانتے ہوں گے غالباََ ترقی پسندوں کا جوش سرد پڑنا شروع ہوا تو فن برائے فن والوں نے جدیدیت کی لاٹھی سنبھالی وہی طاقت حاصل کرنے کے لئے جو ترقی پسندوں نے
(۶)
حاصل کی تھی۔مگر اب وقت وہ نہیں تھا۔۔کچھ رسالوں نے جدیدیت کے نام سے شہرت کمائی مگر ادب کو کوئی مثبت فائدہ نہیں ہوا
اس حساب سے میں ندا فاضلی کی شاعری کو بھی اپنے عہد کی شاعر ی کہوں گی ایسی شاعری سمجھتی ہوں جو انکے اپنے ماحول ۔ اپنے حالات،اپنی تربیت ، اپنے عھد کی نمائند گی کرتی ہے ۔کہ جدیدبھی ہے قدیم یعنی کلاسیکیت کے بھی عکس پائے جاتے ہیں اور یہ خصوصیت میرے ہر ہم عصر اچھے شاعر میں ملتی ہے کہیں جھکائو کلاسیکیت کی طرف زیادہ ہے اور کہیں نئے پن کے جوش میں شاعری کو ناشاعری بنا دینے اکا انداز ہے ۔خاص کر جو لوگ صرف نظم لکھتے رہے ہیں اور کیکڑا اور مکھی مرغی میں انسان کوپیش کرنے کی سعی کرتے رہے ہیں ندا فاضلی کو ترقی بسند نظریات سے
دلچسپی نہیں تھی۔ وجہ معلوم نہ ہوسکی ۔کہیں انھوں نے لکھا نہیں ۔۔ ممکن ہے اسی لئے اسلیئے انھوں نے جدیدیت کی حمایت کی اور وہ جدیدیت کے
پرستار ہوگئے ہوں ۔ یہ بھی ممکن ہے کوئی نفسیاتی مسئلہ ہو۔ایک زمانے میں فہمیدہ ریاض نے بھی شاعری کی ایک کتاب لکھی تھی فارسی اور عر بی کی تراکیب کے بغیر معذرت کے سا تھ وہ سب کچھ تھی شاعری نہیں تھی۔ایسی غیر منطقی باتیں اور ناقابلِ عمل شوشے لوگ توجہ حاصل کرنے کے لئے کرتے ہیں ۔
ساحر ، کیفی اعظمی او ر سردار جعفری ۔ ندا فاضلی سے ایک بار بہت خفا ہوئے تفصیل معلوم نہ ہوسکی۔۔
ممکن ہے کوئی ذاتی وجہ ہو اور یہ بھی ممکن ہے کہ سیاسی وجہ ہو ۔۔
ندا فاضلی کی ایک غزل چہار سو میں آئی تھی اسکے دو شعر ترقی پسندون کے لگتے ہیں
ہر ایک گھر میں دیا بھی ہو اور اناج بھی ہو جہاں نہ ہو کہیں ایسا تو احتجاج بھی ہو
رہے کی کب تلک وعدںو میں قیدِ تنہائی ہر ایک بارہی کل کیوں کبھی تو آج بھی ہو
اور یہ شعر خود فیصلہ کرتا ہے ندا کیسے شاعر ہیں اکیلے غم سے نئی شاعری
نہیں بنتی کلامِ میر میں غالب کا امتزاج بھی ہو۔
اب ثابت ہوا کہ میرا اعتراز صحیح ہے (۱۱)کہ جدید اور بعد جدید کوئی شے نہیں ہے (۲) اور شاعر زندگی او معاشرہ کی بدلتی قدروں کے حساب سے شعر کہتا ہے کوئی شاعر یہ نہیں کرتا کہ نقاد کا منشو رلے کر بیٹھے کہ آج میں ترقی بسندی کی شاعری کروں گا اور آج جدیدیت یا بعد جدیدیت کی
شاعر ہو یا ادیب ا اپنے یپسِ منظر سے پیدا ہوتاہے ۔ اور اسکے کلام میں اسکے تجربات مشاہدات اور ذاتی رنج وغم اور انکی نوعیت کا اظہار اس کے کلام میں ہوتا ہے ایک بات سے اور مجھے اختلاف ہے وہ یہ کہ نقاد کہتے ہیں کہ ند فاضلی کی شاعری میں انکا کوئی خاص رنگ اور شناخت نہیں ہے ۔ مگر مجھے ان نقادوں کی رائے سے اختلاف ہے ۔
ندا فاضلی ہندستان میں رہ گئے تھے اور سب رشتہ دار جاچکے تھے انکے دوست وغیرہ ہندو بھی ہوں گے کچی عمر بھی تھی یوں ان کو موقعہ ملا بھجن سن سکیں کسی مندر کے پاس سے گزرتے تھے ا تو بھجن کی دھنیوں نے انھیں متوجہ کیا وہ دھنیں انھیں بہت پسند آئیں پھر انھوں نے اس انداز میں غزلیں کہیں ،گیت لکھے مگر اور شاعری میں ایک لوچ اور دلکشی پیدا کی ہندی کی آمیزش سے ور شاعری ،کھانے پکانے کی ترکیب نہیں بنی ،انکی شاعری میں دونوں زبانوں کے الفاظ۔ہیں جسکی وجہ سے غنائیت پیدا ہوئی ہے ۔میرا اپنا خیال یہ ہے کہ ہندی اور فارسی سے نجات حاصل کرنے کا تصور ، غیر منطقی ہی نہیں تعصب اور جہالت سے بھرا ہوا ، ہے ۔فارسی تراکیب سے ا ردو میں رنگینی آئی ہندی سے لوچ اور عربی سے بردباری ، وقار اور وجاہتDignity and Grandeur تینوں کا امتزاج ۔ ضروری ہے ۔یقین نہ آئے تو ھندی کی خبریں سن کر دیکھ لیجئے ۔
ندا کی شاعری میں ہلکی ہلکی دکھ کی آنچ ہے۔لہجے میں نرماہٹ ہے۔اور زندگی کی محرومیوں کی زرد رنگت ہے،
انکی شاعری میں بچپن اور اس سے متعلق لاشعور میں چھپا دکھ کسی آسیب کی طرح بار بار آکر زندگی میں جھانکتا ہے اور یقینا انھین اداس ہی نہیں کرتا ۔۔ ڈراتا ؓ بھی ہے اس احساس کو نہ جدیدیت سے نتھی کیا جاسکتا ہے نہ قدامت سے ۔یہ انسانی حالات و احساسات ہیں،اسطرح زندگی کے تضادات، جو حالات اور واقعات کی شکست وریخت سے جنم لیتے ہیںاس کا بھی انکو گہرا عرفان ہے بلکہ یہ عرفان کے ساتھ یہ عرفان ۔ ایک قسم کی حیرانی ، یاس و حسر ت ا ور قنوطیت کی شکل بھی اختیارکرلیتا ہے ۔ان سب کے درمیان گو کہ وہ اس زندگی میں ایک مقصد کے متلاشی ہیں یہ انکا کمال ہے ۔ یہ غزل قاری پہ
(۷)
ا یک سرد لہر سی طاری کردیتی ہے ۔
اپنی مرضی سے کہاں اپنے سفر کے ہم ہیِں رخ ہوائوں کا جدر کا ہے ادھر کے ہم ہیں
خاص کر یہ شعر
پہلے ہر چیز تھی ا پنی مگر اب لگتا ہے اپنے ہی گھر میں کسی دوسرے گھر کے پم ہیں
۱۹۹۲ کا زمانہ ہے گجرا ت کے قتلِ عام اور آتشزدگی کا اس میں حوالہ ہے انسا نی تعلقات کی الجھنیں خود غرضیاں ۔ ، محرومیاں انکی وجو ہات اور ، انکے نتائیج ۱۹۴۷ میں وہ ابھی کم عمر تھے جب ہجرت شروع ہوئی والدین پاکستان جانے کے لئے تیار ہوگئے، اس کم عمری میں ندا نے بہت بڑا فیصلہ کیا اور پاکستان جانے سے انکار ی ہوگئے۔یہ انکے لئے بڑا سانحہ ثابت ہوا۔بعد میں یہ ہوا کہ جن پہ تکیہ تھا وہی پتے ہوا دینے لگے ۔عام حالات میں نا انصافیاں تو چھپ جا تی ہیں مگر جب حکومت کی طرف سے منظم ظلم وستم کسی فرقے پہ روا رکھا جائے تو اس اقلیت کی نفسیات کیا ہوگی؟
ایسے شخص کی خصوصاََ جو ہندستان کی محبت میں سارے رشتے توڑ بیٹھا ہو ،، یقینی احساسِ جرم اور تاسف کے آنسو نہ بہائے تو کیا کرے گا ، ہو سکتا ہے انکے خاندان والے کم ازکم والدین ہی قریب ہوتے تو کچھ آنسو پنچھ جاتے ۔ ندا انکے ساتھ پاکستان نہیں گئے اور اعتماد سے انڈیا رہ گئے ۔ پھر اس محبت نے ہی اسے زخم دیئے ۔ کسی کے والدین بھی سدا نہیںرہتے مگر جب جاتے ہیں تو انسان اپنی جوان ہوتی ہوئی اولاد میں مصروف ہوجاتا ہے ۔ مگر انکے والدین کی جدائی تقسیم ہند کے نتیجے میں وجود میں آئی ۔جبکہ ندا ابھی کم عمر تھے ۔ اسی لیئے انھیں تقسیم سے نفرت ہے ۔کچھ واقعات اور حادثے اور تاریخی سانحے ہمارے بتائے بغیر بلاٗئے نا گہانی بن زندگی میں سانپ کی طرح ننگے پائوںداخل ہوجاتے ہیں
اس طرح کی خونی تقسیم بھی کسی نے نہیں سوچی تھی نہ سمجھی تھی افسوس کہ تاریخ سے کوئی سبق نہیں سیکھا گیا،شاید یہی دکھ ندا فاضلی کو بھی ہے۔ گجرات کا سانحہ ابھرتی ہوئی قومی محبتوں کو کو کفن پہنا گیا ،جو انکی شاعری میں سائے کی طرح ساتھ ہے۔پھر یہی نہیں ذاتی دوستی دشمنییاں او رلوگوں کی منافقت۔تعلقات بنتے عمر لگتی ہے ٹوٹتے لمحہ چاہیئے ۔ شاعر حساس ہو اور پھر خیال میں فن ۔مزاج میں شعریت ہو زبان میں اظہار کی قوت ہو تو انسان ان احساسات کو بیان کریگا ہی ۔ ۱۹۹۲ کے فسادات نے انکو لہو لہو کردیا۔تحفظ کا فقدان اپنے ملک میں بیٹھ کر اجنبیت کا نہیں دشمنی اکا خوف سہنا۔ یہ کوئی معمولی تجربہ نہیں ہے ۔ نہیں کہہ سکتی یہ کس دور کی غزل ہے۔
<۔۔۔۔ ایک ہی دھرتی ہم سب کا گھر جتنا تیرا اتنا میرا دکھ سکھ کا یہ جنتر منتر جتنا تیرا اتنا میرا
پوری غزل عصری آگہی کے ساتھ ذاتی اور کا ئیناتی بیان اور ،الجھنین داخل اور خارج کا تضاد اور اس کے نتیجے میںانسانی ذہن پہ ہونے والے اثرات اور نفسیاتی شکست و ریخت
سب کچھ ہے اس غزل میںیا ایک اور غزل۔۔۔وقت بنجارہ صفت لمحہ بلمحہ اپنا کس کو معلوم یہاں کون ہے کتنا اپنا۔؟
اسی طرح یہ شعر ۔۔۔۔۔۔۔۔۔
۔یوں لگ رہا ہے جیسے کوئی آس پاس ہے وہ کون ہے جو ہے بھی نہیں اور اداس ہے
غالب نے جو کہا
تم مرے پاس ہوتے ہو گویا
جب کوئی دوسرا نہیں ہوتا
شاعر شاعر ہی ہوتا ہے۔شخصیت کے ذریعے اظہا ر ۔فن شاعری ہے ۔ شخصیت کے بدلنے سے پیرایہ بدل جاتا ہے ۔اسکے لیے کسی لیبل یا منشور کی ضرورت نہیں۔ سوچیئے آج کے دور کو جہاں لڑکے لڑکیاں گھرچھوڑکر غیر ممالک میں بس رہے ہیں ۔ ہم مشرق میں ہیں مغرب کی جدیدیت میں اس محبت سے چھٹکارا پالیا گیا ہے مشرق مشرق ہے وہاں ابھی محبت کی جارہی ہے کانٹ اور ہیگل کی جدیدیت اسکی اجازت نہیں دیتی مگر ند فاضلی ا کہتے ہیں۔
تم جو سوچو وہ تم جانو ہم تو اپنی کہتے ہیں ۔۔۔ دیر نہ کرنا گھر آنے میںورنہ گھر کھو جائیں گے
میں نے بھی اپنے بابا کی وفات کے بعد بابا کا گھر جاکر دیکھا تو یہ شعر کہا تھا ۔
۔سائے تھے کچھ مکان میںبجھنے کو تھا دیا ۔۔۔راہی سفر سے لوٹ کے جب اپنے گھر گیا۔
(۸)
اگر آپ ایسے ملک کے شھری ہیں جہاں تیس ہزار سے اوپر صرف عورتیں اور بچے گھروں میں بیٹھے ڈرون حملوں سے مارے جا چکے ہوں اور مارنے والے جمہوریت دنیا کو سکھانے کے لیئے یہ کر رہے ہوں تو آ پ کو ندا کا یہ شعر بہت سچا لگے گا جس سے عصری آگہی کا گہرا عرفان بھی نظر آتا ہے ۔اور ذاتی دکھ کا عکس بھی
ہیں تاک میں شکاری نشانہ ہیں بستیاں عالم تمام چند مچانوں میں بٹ گیا
ایسے شعر دل کو چھو لیتے ہیں خبروں نے کی مصوری خبریں غزل بنیں
ان شعروں نے ندا فاضلی کوبھی عوام کے دلوں تک پہنچا دیا ، قومی یک جہتی کا تصورجو ۱۹۹۲ میں پاش پاش ہوگیا اوراسکے نتیجے میں انکے کلام میں قنوطیت در آئی اس سے انکے کلام میں دنیا کی بے ثباتی کے تصور کو بڑھا دیا۔یہ میرا خیال ہے ۔محبت میں بھی مایوسیاں زیادہ محسوس ہوتی ہیں یا انڈو پاک میں ہوتا ہی ایسا ہے ۔ کہ محبت خواب بن جاتی ہے ۔ انھوں نے میر اور غالب کو پڑھا مگرانکا خیا ل لتھا
کچھ اور چاہیئے وسعت مرے بیاں کے لیئے اور ، یوں ندا نے کبیر داس ۔ہندی شاعری اور مغربی شاعری کو بھی پڑھا ۔ اس سے انکے طرزِ اظہار میں نیرنگی تو آئی ہے ،دلکشی بھی بڑھی ہے مگر مجماعی طور پہ انکے موضوعات محدود ہیں اور حیات وکائینات کے مسائل کو کسی فلسفیانہ رنگ مین پیش نہیں کیا گیا ۔ا اگر چہ ۔’’انکے کلام سے انکی کوئی واضع شناخت نہیںہے‘‘ جیسے نقاد کہتے ہیں ٓ۔مگر اس سے انکی شاعری کی سچائی پہ حرفنہیں آتا۔نہ دلکشی میں کی آتی ہے
ہر شاعرِحساس کی طرح انھوں نے اپنے جذبات کو ادا کیا ہے جو زندگی کی کے حاد ثات کی شکست و ریخت کی دین ہے یا دکھوں کی کی دین ہوتی ہے یوں انکی شاعری اپنے عہد کی عکاسی کی ہے ۔جبکہ بؑض اشعار انسانیت کی طرح قدیم ہیں اور انسانیت کے وجود کی طرح سچے ہیں ڈرجِ ذیل شعر پہ غور کیجئے ۔
اک مسافر کے سفر جیسی ہے سب کی دنیا کوئی جلدی میں کوئی دیر میں جانے والا ۔۔
زندگی کی بے ثباتی حافظ عمر خیام سعدی ابنِ یمیں فانی اور جانے کتنے
ہی شعراٗ نے یہ مضمون باندھا ا ہے ہر فرد کا احساس مختلف ہوتا ہے اور غم کی نوعیت بھی ا س سے ا اس کا اظہار بھی بدل جا تا ہے اور اس میں حرج بھی کوئی نہیں ندا نے اپنا خیال ظاہر کیا ،۔اب خوشی ہے نہ کوئی غم ہے رلانے والا پم نے اپنالیا ہر رنگ زمانے والا
اس کو رخصت تو کیا مجھکو یہ معلوم نہ تھا سارا گھر لے گیا گھر چھوڑکے جانے والا
جدیدیت کے بارہ میں نے اپنا مو قف مضمون کے شروع میں بتا دیا ہے اور مجھے ندا فاضلی کی شاعری اور اس جدیدیت میں کوئی رشتہ نظر نہ آئا ۔ میں بھی میرا خیال یہ ہے کہ ندا کی شاعری کا حسن و دلکشی جدیدیت سے مشروط نہیں ہے :مجھے ان کی یہ نظمیں پسند آئیں ۔لفظوں کے پھول، مور ناچے۔آنکھ اور خواب کے درمیان۔سفر میں دھوپ تو ہوگی۔
دنیا ایک کھلونا ہے ۔ بمبئی جانے کے بعد انکے معاشی حالات بھی بہتر ہوئے اورمعاشرتی بھی ندا نے بی ۔بی، سی، ہندی سروس کے لئے کئی ادبی مضامین بھی لکھے۔ایک سوانحی سا ناول بھی لکھا ہے ۔
۱)۔۔۔۔ پہلے روش خیالی اور پھر جدیدیت مغرب میں اپنے مفاد کے لیئے پیدا کی گئی ۔اور ایشیا میں سوائے جاپان کے اس کا اطلاق کسی ملک پہ نہیں ہوتا ۔ہمارے ملک کے وسائل لوٹنے کے منصوبے جس پہ کامیابی سے عمل ہو رہا وہ اسی لیئے ہے کہ ہم نے مغرب کو خود اما م مبنا لیا ہے ۔پہلے جدیدیت کی پبلصسٹی کی گئی اب اس سے بھی غہر متعلق خیال بعد جدیدیت اور پھر ردِ تسکیل کا خیال عام کرنے کو اردو کے نقاد تڑپ رہے ہیں کیوں ؟ْ جہاں تک میرا خیال ہے بے حدمعذ رت کیساتھ مغربی خیل کو اردو پہ زبردستی لاگو کرنے والوں نے خعد نمائی زیادہ کی اور اردو کی خدمت کم ۔جبکہ انکے نیان سے معلوم ہوتا ہے کہ وہ خیال کی تہہ تک بھی نہیں پہنچے اور الجھ گئے حقیقت یہ ہے کہ یہ سارے خیالات ہم تک براہِ راست بھی نہیں پہنچے ۔پہلے انگریزوں نے انگریزی میں الجھا یا پھر اردو والوں نے مزید اردو میں الجھایا ۔غالباََ وہاب اشرفی یا وارث علوی نے کہیں کہا تھا اس کی وجہ یہ ہے کہ اب لوگ انگریزی ادب نہیں پڑھ رہے ۔ہندی اردو پڑھ کر انگریزی تنقید ٹیڑھی کھیر ہے ۔
(۹)
اگر وہ خود بھی اسے سمجھ نہیں سکے ہیں ۔پھر عام قاری کے بس کاروگ کیا ہوگا او وہ اسے کیسے سمجھائیں گے، اور یہ کیوں ضروری ہے؟ اردو میں جدید مغربی تنقید جس طرح لکھی گئی اور میں نے پڑھی اس کا سارا ہنر اسکو پیچیدہ سے پیچیدہ بنانا معلوم ہعتا ہے ،
(۲) ۔۔۔۔ مغرب میں جدیدیت کے دفترِ بے معنی ِ کو مسترد اسی وجہ سے کیا گیا۔یہ استرداد ہی اس کے غلط ہونے کا ثبوت ہے ۔اور اسی وجہ سے جدیدیت کی تعریف ہمارے خلاف ہے اور بعد بعدَ جدیدیت کے بارہ میں کہا جاتا ہے
Trying to name the unnamable.. جب کہ مغرب ہی موجد ہے اور وہ ہزاروں صفحے لکھ کر یہ کہہ رہے ہیں تو ہمیںکیا سمجھ میں آئے گا
(۳)۔۔۔ مجھے جدیدیت یعنی جو جدیدیت اردو کے افسانوں کو بگاڑچکی ہے اس حوالے سے غزل نگاروں کے کلام میں کوئی انہونی بات نظر نہیں آئی سوائے اسکے کہ اچھے شاعروں نے اچھا کلام کہا جیسے مظہر امام وہ اپنی ذاتی صلا حیت کی وجہ سے ۔البتہ کیکڑا مکڑا قسم کی نظمیں ضرور جدیدیت کی چغلی کھاتی ہیں۔بدلتے ہوئے وقت۔بدلتی ہوئی عمر اور بدلتے ہوئے سماجی ومعاشرتی حالات ۔موسم سر زمین ،نئی ایجادا ت جو وقت کے تابع ہیں اس کے کے تحت نئے استعارے۔ نئی تشبیہات، نئے کنائے ، نئی تلمیحات نیا اندازِ بیان وجود میں آتے ہیں ۔اور یہ ایک مسلسل معاشرتی اور سماجی اور ادبی عمل ہے جسکی مصوری زبان کر تی ہے۔یا عکاسی۔ اس کو کوئی نام دینے کے
لیئے مغرب سے کوئی تحریک در آمد کر نے کی ضرورت نہیں ہے مجھے اس درآمد کی ہوئی وہ فکر جس کو ہم سمجھنے سے بھی قاصر ہیں اس کو اپنے لو گوں پہ مسلط کرنے پہ اعترض ہے ہمیں اپنے لہجے اپنی زبان میں بات کرنی چاہیئے ۔یعنی اقبال نے کیا خوب کہا ہے
جو تھا نہیں ہے جو ہے نہ ہوگایہی ہے اک حرف ِ محرمانہ قریب تر ہے نمود جسکی اسی کا مشتاق ہے زمانہ
۔وقت کی ہر کروٹ کے ساتھ،اورفکر کے ہر تجربے کے ساتھ نئی شاعری پیدا ہوتی ہے۔بڑی شاؑعری اور بڑے شاعر غالب ٓقبال ا جیسے شعراء وقت سے آگے نکل جانے کی سکت رکھتے ہیں اور لازوال ہوجاتے ہیں،
(۴) ادب شخصیت کے ذریعے زندگی کے اظہار اور عکاسی کا نام ہے۔ ادیب جوکچھ اپنے ماحول سے لے کر اپنے لاشعور میں محفوظ کرلیتا ہے اسی کو اپنے پسندیدہ پیرائے میں بیان کرتا ہے یا اپنی صلاحیت کے مطانق اظہار کرتا ہے ۔۔لہٰذا ندا فاضلی نے اپنی شخصیت کاعکس اپنی شاعری پہ ثبت کر دیا
یہ شعر سنیئے گھر سے مسجد ہے بہت دور چلو یوں کر لیں کسی روتے ہوئے بچے کو ہنسا یا جائے ۔ سورج کو چونچ میں لئے مرغا کھڑا رہا
۔
Bibliography
Adorno Theodor . Aesthetic theory . London Roulte '
Burger PeterTheory of the Avant guarde Universit of Minesota.1990.
Habermas Jugen Modernity VersusPost modernity 1981 P3-14.
Hall Steuart An introduction to Modern Sicieties Cambridge Polity Press .
EagletonTerry The Illusion of Post Postmodernism Oxford press.
Hassen Ihab The cambridge history Literary Criticism Edition 2001.
Jamasen Fredric....Post Midern orthe Cultural logicof Late Capitalism1984 Pages14653. 92
Leotord Jean The post Modern Condition . A report on Knowledge 1964 Minneapolis University. Minnesota press
Noris Christopher.What is Wrong with Postmodernism . 1990 Ends af Philosophy London New york Harvester Wheats
************************
|
